झापा । मेची नदीमा हाम फालेर बगाएर ल्याउँदै गरेकाे एक महिलालाई सशस्त्र प्रहरीले सकुशल उद्धार गरेकाे छ ।
शुक्रबार दिउँसाे ३ बजेकाे समयमा झापा मेचीनगर १ तिरिङ्ग दाेभानबाट इलाम राेङ गाँउपालिका ६ की ४० वर्षीया शाेमा तामाङलाई सकुशल उद्धार गरिएकाे सशस्त्र प्रहरी बल गण २ झापाले जनाएकाे छ ।
विओपी तिरिङ्गबाट सशस्त्र प्रहरी हवल्दार श्रीकृष्ण खड्काकाे कमाण्डमा खटिएकाे टाेलीले मेची नदीले बगाएर ल्याउँदै गरेकाे अवस्थामा सकुशल उद्धार गरिएकाे सशस्त्र प्रहरी बल गण २ झापाका सुूचना अधिकारी तथा डिएसपी दिनेश कटवालले जानकारी दिए । उद्धार गरिएकी महिलालई उनका श्रीमान धिरेन राई र दाजु दुर्गा लामालाई जिम्मा लगाइएकाे डिएसपी कटवालले जानकारी दिए ।
