झापा । नेपाली कांग्रेसका महामन्त्री विश्वप्रकाश शर्माले दोषी जेल जाने हो, अरूले राजनीति छोड्नु नपर्ने बताएका छन् ।
काठमाडौंमा बिहीबार आयोजित कार्यक्रममा शर्माले आफ्नो दलका जो कोही नेतामाथि अनियमितताको आरोप लागे पनि छानबिन गर्न तयार रहेको प्रष्टयाए ।
‘कांग्रेसका सांसद, सभापति, चलनचल्तीको भाषामा भन्दा दाजु/भाउजूमाथि, माइजू/मामामाथि कोकोसँग छानबिन गर्नुछ, गर्दा हुन्छ,’ उनले भने, ‘नामै लेख्नुस् । थर लेख्नुस् । ठेगाना लेख्नुस् । तर छानबिन गम्भीरतापूर्वक गर्नुस् ।’
छानबिनका क्रममा जो दोषी देखिए पनि जेल जान्छ । बाँकीले ढुक्कले राजनीति गर्न सकिने शर्माले बताए । ‘रास्वपाका एक नेताले भन्नुभएछ । हाम्रा सभापति दोषी ठहरिए हामी सबैले राजनीति छोडिदिन्छौं,’ शर्माले भने, ‘विश्वप्रकाशमाथि छानबिन गर्ने, दोषी देखिए जेल जाने हो । बाँकी कांग्रेसीले राजनीति छोड्ने होइन ।’
