साङ्केतिक तस्वीर झापा / पाँचथरको फिदिममा पिकअप गाडी दुर्घटना हुँदा ६ जना घाइते भएका छन् ।
आज बिहान ६ः०५बजेको समयमा फिदिम नगरपालिका वडा नं. ४ डब्लु हाउसस्थित मेची राजमार्गमा पाँचथर च्याङ्थापुबाट इलामतर्फ आउँदै गरेको पाँचथर याङवरक १ बस्ने २६ वर्षीय सुबास गुरुङले चलाएको प्र.१–०१–००१ च ७७८२ नं. को डब्बल क्याप पिकअप आफै अनियन्त्रित भई सडकबाट अन्दाजी ६० फिट तल झरेर दुर्घटना भएको हो ।
दुर्घटनामा पाँचथर याङ्वरक १ च्याङ्थापु बिरुवा बस्ने वर्ष ३ की सलक्षना राई ( टाउकोमा सामान्य चोट, अवस्था सामान्य) , सोही ठाउँ बस्ने वर्ष २० की सृष्टि राई ( नाकमा सामान्य चोट बाहिरी चोट नदेखिएको, अवस्था सामान्य) ,वर्ष ५४ का सन्तोष राई ( जिउ सामान्य दुखेको बाहिरी चोट नदेखिएको ,अवस्था सामान्य), ४४ की बिना राई (जिउ दुखेको बाहिरी चोट नदेखिएको, अवस्था सामान्य) , बर्ष २७ का सन्देश बेघा( अनुहारमा सामान्य चोट, अवस्था सामान्य) र बर्ष २५ की संगिता राई ( जिउ दुखेको, अवस्था सामान्य ) रहेका छन् ।
घाइतेहरुलाई उद्दार गरी जिल्ला अस्पताल पाँचथर ल्याई उपचार भैरहेको र सवारीसाधन घटनास्थलमै रहेकोले निकाल्ने पहल भइरहेको जिल्ला प्रहरी कार्यालय पाँचथरले जनाएको छ ।
