झिलझिलेका इन्सपेक्टरमाथि बञ्चराे प्रहार गर्ने ३ युवा प्रहरी नियन्त्रणमा

झापा  ।  इलाका प्रहरी कार्यालय झिलझिलेका प्रमुख तथा प्रहरी निरीक्षक युवराज कटवाल माथि आक्रमण भएको छ । झापाको शिवसताक्षी नगरपालिका वडा नम्बर ९ स्थित याङया चोकमा तीनजनाको संख्यामा रहेको युवाहरूको समूहले प्रहरी निरीक्षक कटवालमाथि सांघातिक आक्रमण गरेको  जिल्ला प्रहरी कार्यालय झापाले जनाएकाे छ । आक्रमणबाट कटवालको टाउकोमा चोट लागेको छ ।

तीनजनाको संख्यामा मोटरसाइकलमा सवार उनीहरुलाई प्रहरी निरीक्षक कटवाल नेतृत्वकाे टाेलीले राजमार्गमा रोकी सम्झाउने क्रममा उनीहरुले बन्चरो प्रहार गरेका थिए । स्थानीयका अनुसार तीनै जना युवाले मदिरा सेवन गरेका थिए ।