झापा । झापाको दोमुखामा भद्रपुर र बिर्तामाेडका दुइ किशाेर बेपत्ता भएकामध्ये एकजनाको शव फेला परेको छ ।
भद्रपुर नगरपालिका वडा नम्बर ५ बस्ने अन्दाजी १७ वर्षीय फिराेज खानकाे शव भेटिएको
जिल्ला प्रहरी कार्यालय झापाले जनाएकाे छ । उनीसंगै हराइरहेका बिर्तामाेड २ का अन्दाजी १८ वर्षीय उज्वल राईकाे खाेजी कार्य जारी रहेकाे जिल्लाका डिएसपी कृष्णकुमार चन्दले जानकारी दिए ।
साेमबार दिउँसो २
बजेदेखि शिवसताक्षी १० दोमुखाको ड्याममा पौडी खेल्न पसेका चारमध्ये दुईजना बेपत्ता भएको
स्थानीय कुमार फुयलले जानकारी दिए। दोमुखामा पौडी खेल्न पसेका चारमध्ये एकजनाकाे शव फेला परेकाे डिएसपी चन्दले जनाए । फेला परेकाे शवलाइ पाेष्टमार्टमका लागि प्रादेशिक अस्पताल भद्रपुर पठाइएकाे उनले जनाए । घटनास्थलबाट १०० मीटर दक्षिणमा ढुङ्गामा अड्किएकाे अवस्थामा फिराेजकाे शव फेला परेकाे प्रहरीले जनाएकाे छ ।
राईको खोजीका लागि स्थानीयवासी, प्रहरी र
आफन्त खटिएकाे प्रहरीले जनाएकाे छ । उनीहरू दोमुखा ड्याममा पौडी
खेल्दै गर्दा चारजना मध्ये दुइ निस्कन सफल भएकाे स्थानीयले जनाएका छन् ।
