झापामा भारतीय कारको ठक्करबाट माेटरसाइकल चालकको मृत्यु

झापा। झापामा भारतीय नम्बर प्लेटको कारले मोटरसाइकललाई ठक्कर दिँदा एक जनाको मृत्यु भएको छ । मृत्यु हुनेमा मोटरसाइकल चालक कमल गाउँपालिका- ४ निवासी ६८ वर्षीय  डोरप्रसाद खनाल रहेको जिल्ला प्रहरी कार्यालयले झापाले जनाएको छ । मङ्गलवार साँझ ७ बजेको समयमा पूर्व पश्चिम राजमार्ग अन्तरगत कमल- ५ स्थित पाडाजुँगीमा पूर्वबाट पश्चिमतर्फ जाँदै गरेको बीआर ११ एपी ४१४१ नम्बरको भारतीय कारले विपरीत दिशातर्फ गइरहेको मोटरसाइकललाई ठक्कर दिएको थियो । दुर्घटनामा परी घाइते मोटरसाइकल चालक खनाललाई  उपचारका लागि दमकतर्फ लैजाने  क्रममा बाटोमा मृत्यु भएको प्रहरीले जनाएको छ । दुर्घटनामा मृतक भएका खनाल कमल गाउँपालिकाका कर्मचारी सरोज खनालका बुबा हुन् ।