झापा । नेपाल प्रहरीले झापामा चोरीका मोटरसाइकलहरु सहित ५ जना नियन्त्रणमा लिएकाे छ ।
झापाको सुरुङ्गा क्षेत्रमा मोटरसाइकल चोरी हुने गरेको भन्ने सूचनाका आधारमा खटिएको टोलीले पाँच जनालाई पक्राउ गरेको हो ।
पक्राउ पर्नेहरुमा झापाको कनकाई नगरपालिका-४ का १९ वर्षीय प्रियंक कडेल, सोही ठाउँका १९ वर्षीय कृष्ण घिमिरे, १९ वर्षकै नवीन बस्नेत, १९ वर्षकै दीपक भुजेल र कनकाई-३ का १९ वर्षीय सम्रिक चुडाल रहेका जिल्ला प्रहरी कार्यालय झापाले जानकारी दिएकाे छ ।
उनीहरुबाट प्रहरीले चोरीका दुई वटा मोटरसाइकल समेत बरामद गरेको छ ।
उक्त मोटरसाइकल पाँचथरबाट चोरी गरेको पाइएपछि कारबाहीका लागि उनीहरुलाई पाँचथर पठाइएको झापा प्रहरीले जनाएको छ ।
