झापा । मादक पदार्थ सेवन गरी दुईजना छिमेकीमाथि खुकुरी प्रहार गर्ने एकजनालाइ प्रहरीले नियन्त्रणमा लिएकाे छ । पक्राउ पर्नेमा झापा मेचीनगर १० का ३२ वर्षीय मदन नेपाली रहेकाे इलाका प्रहरी कार्यालय धुलावारीले जनाएकाे छ ।
नेपालीले मङ्गलबार राति ९ बजेतिर मादक पदार्थ सेवन गरी छिमेकीहरु २४ वर्षीय अरण कवर र ३८ वर्षीय जुरेन कवरमाथि खुकुरी प्रहार गरेका थिए । खुकुरी प्रहारबाट अरुणको टाउको र देब्रे हातमा चोट लागेको छ भने जुरेनको तल्लो ओठमा चोट लागेको छ ।
घाइतेहरुलाई उपचारका लागि मनमोहन हस्पिटल बिर्तामोडमा ल्याइएको र खुकुरी प्रहार गर्ने नेपालीलाई पक्राउ गरी इलाका प्रहरी कार्यालय धुलावारीमा राखिएको जनाइएको छ ।
