झापा । बुधबारदेखि भद्रपुरमा प्रथम मेयर कप अन्तरपालिका स्तरीय रात्रिकालीन नकआउट भलिबल प्रतियोगिता हुँदैछ । भद्रपुर युवा परिवारको आयोजनामा कार्तिक १८ गतेसम्म भद्रपुर माविको खेल मैदानमा सञ्चालन हुने प्रतियोगितामा झापाका १५ वटा पालिकामध्ये ११ वटा पालिकाले सहभागिता जनाउन लागेको युवा परिवारका भरत यादवले जानकारी दिए ।
उद्घाटन खेल झापा गाउँपालिका र शिवसताक्षी नगरपालिकाबीच हुनेछ । दोस्रो खेल भद्रपुर नगरपालिका र मेचीनगर नगरपालिकाबीच हुने युवा परिवारका सुशील यादवले जानकारी दिए । प्रतियोगिताको लागि सम्पूर्ण तयारी पूरा भइसकेको उनले बताए ।
प्रतियोगितामा विजेता टिमलाई नगद ५१ हजार र उपविजेता टिमलाई ३१ हजारसहित शिल्ड तथा ट्रफि प्रदान गरिने छ । त्यस्तै सर्वोत्कृष्टलाई ५ हजार, वेस्ट स्ट्राइकर, वेस्ट ब्लकर, वेस्ट सरभर, वेस्ट डिफेन्डर, वेस्ट सटर र उदीयमान खेलाडीलाई जनही २ हजार १ सय प्रदान गरिने छ । प्रतियोगितामा झापा, शिवसताक्षी, बाह्रदशी, कनकाई, गौरादह, दमक, भद्रपुर, मेचीनगर, कचनकवल, गौरीगञ्ज र बिर्तामोड सहभागी हुने जनाइएको छ ।
