झापा । यात्रुहरुलाई असहज भइरहेको मूल्याकंन गर्दै झापाकाे भद्रपुर स्थित सङ्गम चोकमा यात्रु प्रतिक्षालय निर्माण गरिएको छ । स्वर्गीय सीता राईको सम्झनामा अमेरिका निवासी सविना गुरुङ्को सहयोगमा प्रतिक्षालय निर्माण गरिएको हो ।
सामाजिक अभियान्ता सञ्जय भुइमाली एवम भावना क्षेत्रीको सहकार्यमा निर्माण गरिएको प्रतिक्षालयलाई भद्रपुरका मेयर गणेश पोखरेलले उद्घाटन गरेका थिए । यस्ता बस विसौनी नगरको निती तथा कार्यक्रममा समेत समावेश भएकोले क्रमशः नगरले पनि आवश्यक स्थानको छनौट गरी निर्माण गर्दै लैजाने पोखरेलले बताए । राम्रो कामको थालनी गरेकोमा सहयोगी दानवीरलाई उनले धन्यबाद दिएका थिए ।
करिब ३७ हजारको लागतमा निर्माण गरिएको बस विसौनीको केही रकम अपुग भएकोले अभियानकर्मीको तर्फबाट समेत सहयोग गरिएको भुइमालीले जानकारी दिए ।
भद्रपुर निवासी यी जोडीले विभिन्न प्रकारका समाज सुधारका कामहरु गर्दै आइरहेका छन् ।
