झापा । झापामा अत्यधिक रुपले लागूऔषधको प्रयोग ,दुर्व्यसन र ओसार –पसार बढेर गएको भन्दै पूर्व पहरी सङ्गठन नगर समिति भद्रपुर झापाले न्यूनिकरणका लागि विद्दालय मार्फत सचेतना फैलाउदै आइरहेकाे छ । भद्रपुर नगरपालिकाको आर्थिक सहयोगमा नगर भित्रका विद्दालयसँग समन्वय गरेर विद्यालय स्तरमा विद्यार्थीहरुलाइ सचेतना जगाउँदै न्यूनिकरणका लागि कार्यक्रम तीब्र रूपमा सञ्चालन गरिरहेकाे हाे ।
समितिले
आइतबार भद्रपुर ७ वासीलाल चाेकमा रहेको आदर्श नमुना स्कुलमा
अध्ययनरत कक्षा ८ ,९ र १० का छात्र–छात्राहरुलाइ एक दिने लागूऔषध दुर्व्यस विरुद्ध विद्यालयमा सचेतना जगाएको हो ।
भद्रपुर
नगरपालिकाले लागूऔषको रहित नगर बनाउन पालिका भित्र रहेका विभिन्न
क्षेत्रहरुमा २५ भन्दा बढी सङ्घ संस्था मार्फत सचेतना कार्यक्रम सञ्चालन गर्दै आइरहेको
कार्यक्रमका प्रमुख अतिथि नगर प्रमुख गणेश पोखरेलले बताए । याे समाजमा भयावह अवस्था हुदै गएकाेले
न्यूनिकरण गरी लागूऔषध प्रयाेग गरी समाजमा फर्किएका हरूसँग छलफल गरिने उनले बताए । भारत निजकै परेकाेले यस्ता सीमा क्षाेत्रका वासिन्दा फस्दै गइरहेकाे उनकाे भनाइ छ ।
लागूऔषधको दुर्व्यसनमा नफस्न र त्यस्तो कोही फेला परेमा प्रहरीलाइ खबर गर्न जिल्ला प्रहरी कार्यालय झापाका इन्स्पेक्टर प्रविण श्रेष्ठले बताए । परिवारमा एकजना मात्र लागूऔषधकाे दुर्व्यसनमा फस्याे भने घर परिवार हुदै देशभर फैलिने उनले जनाए ।
करिब
६० जना उपस्थित विद्यार्थीलाइ पूर्व प्रहरी डिएसपी धनप्रसाद शिवाकाेटीले प्रशिक्षण दिएका थिए । लागूऔषधमा विज्ञता हासिल गरेका प्रशिक्षक शिवाकाेटीले उत्पादन देखि उपभाेक्ता सम्म पुग्ने तरिकाका बारेमा प्रष्ट पार्दै कानुनी प्रावधान समेत उल्लेख गरेका थिए । 
समितिका बरिष्ठ उपाध्यक्ष एवम कार्यवाहक अध्यक्ष चन्द्र सुवेदीको सभापतित्वमा भएको कार्यक्रममा सचिव राजकुमार थापाले सहजीकरण गरेका थिए ।
कार्यक्रममा पूर्व प्रहरी सङ्गठनका पदाधिकारी ,शिक्षक,
विभिन्न सङ्घ संस्थाका प्रमुख तथा प्रतिनिधि लगायतको उपस्थिति रहेको थियो ।
