झापा / बडा दशैँको अवसरमा भद्रपुर नगर पालिकाको ८ नम्बर वडाले
आयोजना गरेको दौड प्रतियोगिता’भद्रपुर रन २०८१’-मा १ लाख ९४ हजार ४ सय ८५ रूपैयाँ बचत भएको छ । रनमा १२ लाख २१ हजार एकसय आय र १० लाख २६ हजार ६ सय
१५ रूपैयाँ खर्च भएकाे हाे ।
समितिले ८ नम्बर वडा कार्यालयमा आज आयोजना गरेको पत्रकार सम्मेलनमा यसपटकको प्रतियोगिताकाे आय व्यय सार्वजनिक गरेकाे हाे । झन्डै दुई लाख बचत गर्न सकिएको वडाअध्यक्ष तथा मूल आयोजक समितिका संयोजक गौरव सुव्वा’मनोजले जानकारी दिए। प्रतियोगितालाई सम्पन्न गर्न सहयोग पुर्याउने उद्योगी व्यवसायी,सामाजिक,शैक्षिक तथा विभिन्न संघ संस्थाहरूप्रति उनले आभार प्रकट गरे । आम्दानी रकम मध्ये ३ लाख ९४ हजार ४ सय ८५ रूपैयाँ उठ्न बाँकी रहेको वासलात पनि सार्वजनिक गरिएको थियो । बचत रकममा थप गरी भद्रपुर रन आयोजक समितिले सो प्रतियोगिता सोही अवसरमा प्रत्येक बर्ष सञ्चालन गर्ने जनाएको छ ।
वडाअध्यक्ष गौरव सुव्वा’मनोज’को अध्यक्षतामा गठन
गरेको भद्रपुर रन आयोजक समितिले असाेज १७ गते घटस्थापनाको दिन नगरस्तरीय
दौड प्रतियोगिता’भद्रपुर रन ‘-सम्पन्न गरेको थियो ।
समितिका पदाधिकारी-सदस्यलगायत पत्रकार सम्मेलनको सहजीकरण
प्रचारप्रसार संयोजक गोपाल गिरी र स्वास्थ्य संयोजक केदार महतले गरेका थिए ।
