हात्ती आउने सूचना दिने प्रविधि बाहुनडाँगीमा जडान

झापा ।  हात्ती आएको थाहा पाउने सूचना प्रविधि झापाको बाहुनडाँगीमा जडान गरिएकाे छ । सभामुख देबराज घिमिरेले आज हात्ती आगमन सूचना प्रविधि केन्द्रको बाहुनडाँगीमा उद्घाटन गरे ।   तत्कालका लागि बाहुनडाँगी बजार पुर्वमा रहेको खाली भएको छोटी भन्सारको भवनमा हात्ती आगमन सूचना प्रविधि केन्द्र स्थापना गरिएको वडा नम्बर ४ का अध्यक्ष अर्जुन कार्कीले बताए  ।

बाहुनडाँगी भारततर्फबाट हात्ती नेपालमा प्रवेश गर्ने मुख्य नाका हो । जहाँ दैनिकजसो दर्जनौंको संख्यामा हात्तीहरु नेपाल पस्ने गर्छन । सर्वसाधारणलाई बस्तीमा हात्ती प्रवेश गरेको जनाउ दिने डिजिटल प्रविधिको प्रयोग स्थापना गरिएकाे वडाध्यक्ष कार्कीले बताए ।