मिति २०८२ साल कार्तिक २६ गते दिउँसो करिब १२:०० बजे बिर्तामोड नगरपालिका–२ रामचोकस्थित एक घरमा प्रहरीले छापा मार्दा लुटिएको हातहतियारका गोलीहरूसहित दुई जनालाई पक्राउ गरेको छ।
लाऔँ ब्युरो इकाई काकरभिट्टा र इलाका प्रहरी कार्यालय अनारमनीबाट खटिएको संयुक्त प्रहरी टोलीले भदौ २३ र २४ गतेको जेनजी आन्दोलनका क्रममा अनारमनी प्रहरी कार्यालयबाट लुटिएको गोलीहरू बरामद गरेको हो।
प्रहरीले ऐ. बाह्रदशी गाउँपालिका–४ चकचकीकी २७ वर्षीया इस्रप खातुनको डेराबाट SLR का ३८ राउण्ड, INSAS का १६ राउण्ड, काँसको थाल, करुवा, पित्तलको गिलास र प्रहरी बुट एक जोडा बरामद गरेको जनाएको छ।
उक्त घटनामा संलग्न रहेका बिर्तामोड नगरपालिका–२ रामचोकका २२ वर्षीय विकास टुडु समेतलाई समेत प्रहरीले नियन्त्रणमा लिएको छ।
दुवैजनालाई बरामद सामानसहित इलाका प्रहरी कार्यालय अनारमनीमा ल्याई थप अनुसन्धान कार्य जारी रहेको प्रहरीले जनाएको छ।
