झापा । सशस्त्र प्रहरीले भद्रपुरबाट लागूऔषधसहित दुई युवालाइ पक्राउ गरेको छ । पक्राउ पर्नेमा सुनसरी घर बताउने अन्दाजी १८ बर्षीय लक्ष्मण सार्की र सुनसरीकै सोमबारे निवासी १६ बर्षीय आनन्द मगर रहेको सशस्त्र प्रहरी बल गण २ झापाले जनाएको छ ।
घटना विवरण अनुसार सशस्त्र प्रहरी बल प्रस्तावित सीमा सुरक्षागुल्म भद्रपुरबाट खटिएको प्रहरी टोलीले भद्रपुर ५ पोखरीटोल सीमा इलाकाबाट ६ दशमलव २ ग्राम ब्राउन सुगरसहित नियन्त्रणमा लिएको सशस्त्र प्रहरी बल गण २ झापाका डिएसपी सुमन पोखरेलले जानकारी दिए ।
बुधबार दिउँसो २ बजेतिर भारतबाट नेपालतर्फ पैदल आउँदै गरेका उनीहरुलाइ शङ्कालागि चेकजाँच गर्दा कालो प्लाष्टिकको तीन पोका बनाइ लुकाईछिपाई ल्याउँदै गरेको अवस्थामा फेला पारी मानिससहित आवश्यक कारबाहीका लागि वडा प्रहरी कार्यालय भद्रपुरमा बुझाइएको डिएसपी पोखरेलले जानकारी दिए ।
