साङ्केतिक तस्वीर
झापा । पाँच महिनामा कोशी प्रदेशमा मोटरसाइकल दुर्घटनाका घटना दुई हजार ९२ भएका छन् ।
चालु आर्थिक वर्षको साउनदेखि मङ्सिर मसान्तसम्ममा प्रदेशभर तीन हजार चार सय ९८ वटा सवारी दुर्घटना भएकामध्ये दुई हजार ९२ माेटरसाइकलका घटना भएकाे इटहरीस्थित नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयले जनाएको छ ।
उक्त अवधिमा सबैभन्दा बढी मोटरसाइकल दुर्घटना भएका र त्यसपछि क्रमशः टेम्पो, जिप र कार दुर्घटना भएकाे सूचना अधिकारी रामेश्वर ट्वाटीले बताए
पूर्वपश्चिम राजमार्गमा एसियन हाइवेको स्तरोन्नति कार्य भइरहेको
अवस्थामा जेब्रा क्रसिङ र सवारी संकेतको अभावमा बढी मोटरसाइकल दुर्घटना
भएको उनले बताए । तीव्र गतिमा
लापर्वाहीपूर्वक मोटरसाइकल चलाउँदा मानव क्षति धेरै भएको उनकाे भनाइ छ ।
सवारी दुर्घटनामा परी सो अवधिमा एक सय ९१ जनाको मृत्यु भएको छ भने तीन सय २७ जना गम्भीर घाइते भएका छन् ।
