झापा । अवैध मदिरासहित एकजना पक्राउ परेका छन् ।
पक्राउ पर्नेमा मोरङ सुन्दरहरैचा नगरपालिका वडा नं.८ बस्ने ४० वर्षीय शंकरप्रसाद प्रसाई रहेकाे जिल्ला प्रहरी कार्यालय झापाले जनाएकाे छ । प्रहरीले दिएकाे जानकारी अनुसार शुक्रबार साँझ ६.३० बजे मेचीनगरको चारआली चोकमा विभिन्न सवारी साधनहरुलाई चेकजाँच गर्ने क्रममा भारतबाट अवैध रुपमा भन्सार छलेर ल्याउँदै गरेको ओल्ड मन्क १६८ पिस र सिक्किम २००० लेखिएको ७२ पिस गरी जम्मा २ लाख ४० हजार मूल्य बराबरको मदिरासहित प्रसाईलाई नियन्त्रणमा लिएको जिल्लाका डिएसपी कृष्णकुमार चन्दले बताए ।
त्यस्तै गएराति मेचीनगर नगरपालिका वडा नं.६ हनुमान मन्दिरमा अबैध रुपमा ल्याएर राखेको अन्दाजी १ लाख २ हजार ५०० मूल्य बराबरको उपभोग्य सामानहरु बेवारिसे अवस्थामा फेला परेको उनले जानकारी दिए । बरामद सामान आवश्यक कारबाहीको लागि मेची भन्सार कार्यालय काँकडभिट्टामा बुझाइने उनले बताए ।
