साङ्केतिक तस्वीर
झापा । पानी तान्ने कलमा जडान गरिएकाे विद्दुत सर्ट भइ आगलागी हुँदा ७ सय वटा ३२ दिने कुखुरा जलेर नष्ट भएका छन् ।
झापा गाैरादह ४ धरधरेका साेमबहादुर श्रेष्ठले सञ्चालन गरेकाे कुखुरा फर्ममा आगलागी हुँदा क्षति भएकाे जिल्ला प्रहरी कार्यालय झापाले जनाएकाे छ । आइतबार साँझ भएकाे घट्नाबाट कुखुराकाे दाना लगायत गरी अन्दाजी १० लाख मूल्य बराबरकाे क्षति भएकाे प्रहरीले जनाएकाे छ । आागलागीबाट मानविय क्षति नभएकाे साथै स्थानीयवासी ,प्रहरी ,दमकलले नियन्त्रणमा लिएकाे प्रहरीले जनाएकाे छ ।
त्यसैगरी बाह्रदशि ७ डाँगीबारीका विजय राजवंशीकाे भान्सा घरमा आागलागी हुँदा १ लाख ५० हजार मूल्य बराबरकाे क्षति भएकाे छ । स्थानीयवासी ,प्रहरी ,दमकलले नियन्त्रणमा लिएकाे प्रहरीले जनाएकाे छ ।
