झापाको बुद्धशान्ति गाउँपालिका–४, जोरलाबरमा एक १८ दिनकी शिशु आफ्नै घरमा मृत अवस्थामा फेला परेकी छिन्।
प्रहरीका अनुसार स्थानीय फुर्बा शेर्पाकी छोरी लक्ष्मी शेर्पा मिति २०८२ साल कार्तिक २० गते राति आमा संगै सुतेकी थिइन्। तर, भोलिपल्ट अर्थात् मंसिर २१ गते बिहान करिब ६:०० बजे आमा उठ्दा शिशु मृत अवस्थामा भेटिएकी हुन्।
घटनाको जानकारी पाएपछि इलाका प्रहरी कार्यालय धुलाबारीबाट प्रहरी अधिकृतसहितको टोली घटनास्थल पुगेर मुचुल्का र प्रारम्भिक अनुसन्धान कार्य अगाडि बढाएको प्रहरीले जनाएको छ।
हाल घटनास्थल सुरक्षित राखिएको छ र मृत्युको वास्तविक कारण पत्ता लगाउन थप अनुसन्धान भइरहेको इलाका प्रहरी कार्यालय धुलाबारीले जनाएको छ।
स्थानीयवासीले यस घटनाप्रति गहिरो दुःख व्यक्त गरेका छन्।
