साङ्केतिक तस्वीर
झापा । श्रीमान श्रीमतीबिच झगडा हुदा श्रीमानले श्रीमतीलाई खुकुरीले प्रहार गरि हत्या गरेका छन् । झापा कनकाई नगरपालिका वडा नं. २ सुकेडागी बस्ने अन्दाजी वर्ष ३५ का कविराज हेमरनले आफ्नी श्रीमती अन्दाजी वर्ष ३४ की पुजा हेमरनलाइ धारिलाे हतियार(खुकुरी) प्रहार गरी हत्या गरेकाे जिल्ला प्रहरी कार्यालय झापाले जनाएकाे छ ।
शनिबार राति अन्दाजी ११:२० बजेको समयमा उनिहरूबिच झै-झगडा हुदा कविराजले धारीलो हतियार खुकरीले घाटिमा प्रहार गरि हत्या गरेकाे जिल्लाका डिएसपी खगेन्द्रबहादुर खड्काले जानकारी दिए । घटनापछि खेजतलाशको क्रममा कविराजलाई सुरुगां सडकबाट नियन्त्रणमा लिइएको उनले जनाए । घटना स्थाल सुरक्षित राखिएको,खुकुरी घट्ना स्थलबाट प्रहरीले नियन्त्रणमा लिएको, थप अनुसन्धान इलाका प्रहरी कार्यालय अनारमनी झापा बाट भइरहेकाे र लास पोष्टमार्टमको लागी प्रादेशिक अस्पताल भद्रपुरमा राखिएको उनले जानकारी दिए ।
