झापा / झापकाे भद्रपुर घर भएका अग्रज पत्रकार गोविन्द चन्द्र क्षेत्रीकाे स्वास्थ्यमा समस्या देखिएपछि अस्पताल भर्ना भएका छन्। ८२ वर्षीय क्षेत्रीलाई भद्रपुरस्थित ओम् साई पाथीभरा हस्पिटलमा उपचारका लागि भर्ना गरिएको पारिवारिक स्रोतले जनाएको छ।
केही समयदेखि नशा र मुटुसम्बन्धी रोगबाट पीडित रहेका क्षेत्रीको शरीरमा सोडियम र हेमोग्लोबिनको कमी देखिएको चिकित्सकले बताएका छन्। हाल स्वास्थ्य अवस्था सुधारोन्मुख रहेको जनाइएको छ।
छ दशकभन्दा बढी समय पत्रकारितामा सक्रिय क्षेत्री झापाका पुराना र सम्मानित सञ्चारकर्मीका रूपमा परिचित छन्। नेपाल पत्रकार महासंघ झापा शाखाका पूर्व सभापति रहेका उनले प्रेस युनियनमा आबद्ध रहँदै विभिन्न जिम्मेवारी सम्हालेका थिए।
