साङ्केतिक तस्वीर
झापा । झापाको गौरादहमा धान खेतको पानीमा डुबेर एकजनाको मृत्यु भएको छ ।
हिजो दिउँसो घरनजिकैको आलीबाट लडेका गौरादह १ बस्ने ६२ वर्षीय मेघराज दाहालको धान खेतको पानीमा डुबेर मृत्यु भएको जिल्ला प्रहरी कार्यालय झापाले जनाएकाे छ । हिजो बिहान अन्दाजी १० बजे घरमा कसैलाई नसोधी हिडेकोमा धेरै समय घर फर्की नआएपछि आफन्तले खोजतलास गर्ने क्रममा दिउँसो २ः३० बजे धान खेतमा घोप्टो परी उनी मृत अबस्थामा फेला परेकाे जिल्लाका डिएसपी खगेन्द्र बहादुर खडकाले जानकारी थिए ।
उनले अत्यधिक मादक पदार्थ सेवन गर्ने गरेको भन्ने बुझिएको छ ।सम्पूर्ण कानुनी प्रकृयापश्चात् शव पोष्टमार्टनका लागि दमक अस्पताल पठाएको प्रहरीले जनाएको छ ।
