झापा । तस्करहरूले लैजाँदै गरेको करिब ८ किवी सखुवा काठ प्रहरीले बरामद गरेको छ । झापाको कनकाईबाट प्रहरीले अवैध सखुवा जातको काठ बरामद गरेको हाे ।
इलाका प्रहरी कार्यालय सुरुङगाबाट खटिएको गस्ती टोलीले गएराति १ः३० बजे कनकाई नगरपालिका–४ को त्रिवेणी टोलमा कोटीहोमबाट टेक्रा जाने बाटोको छेउ झाडीबाट सो काठ बरामद गरेको हो ।
बरामद काठ इलाका प्रहरी कार्यालय सुरुङगामा राखिएको छ । सो काठ कसले ल्याएको हो भनेर थप अनुसन्धान भइरहेको प्रहरीले जनाएको छ ।
