झापा । बिर्तामोड ८ प्याकुरेल चोक निवासी शिव गौतमको घरमा आगलागी भएको छ ।
आज राति ८ः२० बजे गौतमको एकतले पक्की घरमा आगो सल्किएर भान्सामा रहेका ३ वटा ग्यास सिलिन्डर विष्फोट भएको हो । आगलागीबाट छिमेकी मोहन तिम्सिना घाइते भएका छन् । आगलागीबाट एउटा स्कुटरसमेत जलेर नष्ट भएको छ ।
उक्त आगलागी भद्रपुर र बिर्तामोड नगरपालिकाको दमकलले राति ९.५ बजे नियन्त्रणमा लिएका छन् । आगलागीबाट १० लाख बराबरको क्षति भएको जिल्ला प्रहरी कार्यालय झापाले जनाएकाे छ । घाइते तिम्सिनाकाे स्थानीय मेडिकलमा उपचार पश्चात् घर गएकाे जिल्लाका डिएसपी कृष्णकुमार चन्दले जानकारी दिए ।
