झापा । एमालेकाे सम्पन्न सचिवालय बैठकले मीनबहादुर गुरुङबाट दानमा भवन लिने निर्णय उल्ट्याएको छ । पार्टीले बल्खुमै नयाँ कार्यालय भवन निर्माण गर्ने निर्णय गरेको हाे ।
‘कलंकीमा भवन निर्माणको प्रस्ताव गर्ने दाता मीनबहादुर गुरुङ दम्पत्तिलाई धन्यवाद सहित उहाँहरुको प्रस्ताव फिर्ता गर्ने र नयाँ कार्यालय भवन मदननगर बल्खुमै निर्माण गर्ने निर्णय भएको छ,’ उपमहासचिव लेखराज भट्टले भने ।
बल्खुमै नयाँ भवन निर्माण गर्न सकिने प्रतिवेदन आएको समेत उनले बताए । ‘मदननगरमा आफ्नै जमिन भएको ठाउँमा भवन निर्माण संभव भएको छ,’ भट्टले भने ।
०७८ सालदेखि च्यासलमा बसिरहेको एमालेलाई गुरुङले एक अर्ब बराबरको भवन दानमा दिने सहमति गरेका थिए । सोही बमोजिम ०८१ असोजमा एमाले अध्यक्ष केपी शर्मा ओली र गुरुङ दम्पत्तिले भवन शिल्यान्यास गरेका थिए ।
