झापा । सामाजिक उत्तरदायित्व अन्तर्गत वैदेशिक रोजगार व्यवसायी संघ झापाले आयोजना गरेको रक्तदान कार्यक्रममा १४० जनाले रक्तदान गरेका छन् ।
संघको आयोजना तथा नेपाल रेडक्रस सोसाइटी झापाको प्राविधिक सहयोगमा झापाको बिर्तामोडमा रक्तदान कार्यक्रम गरेको हो ।
संघका अध्यक्ष धनबहादुर पन्धाकको अध्यक्षतामा भएको रक्तदान कार्यक्रमको उद्घाटन बिर्तामोड नगरपालिका प्रमुख पवित्रा महतरा प्रसाईंले गरेकी थिइन् ।
संघका प्रथम उपाध्यक्ष राजन सिलवालले स्वागत गरेको कार्यक्रममा नेपाल पत्रकार महासंघ झापाका अध्यक्ष एकराज गिरी, संघका निवर्तमान उपाध्यक्ष कर्ण पौडेल, टोल विकास समितिका अध्यक्ष रामबहादुर बस्नेतलगायतले संघले गरेको कार्यको प्रशंसा गरेका थिए । कार्यक्रमको सञ्चालन सचिव निरकुमार खत्री (निरन) ले गरेका थिए ।
