झापा । ताप्लेजुङका असई इन्द्रबहादुर भुजेलको शौचालय जाँदा लडेर मृत्यु भएको छ ।
आज बिहान ८;१७ बजे जिल्ला प्रहरी कार्यालय ताप्लेजुङ कन्ट्रोल रुम दरबन्दी भई हाल जिल्ला प्रहरी कार्यालय ताप्लेजुङमा कार्यरत प्रहरी सहायक निरीक्षक(असई) इन्द्रबहादुर भुजेल डिउटी जाने क्रममा शौचालय जाँदै गर्दा अचानक लडेका थिए ।
उनलाई उपचारको लागि जिल्ला अस्पताल ताप्लेजुङमा लगिएकोमा उपचारका
क्रममा ९ः५५ बजे मृत्युु भएको हो । उनी झापा धुलावारी निवासी हुन् ।
उनकी श्रीमती पनि असई रहेकी छन् । उनकी श्रीमती प्रहरी सहायक निरीक्षक बिनिता शेर्पा इलाका प्रहरी कार्यालय धुलाबारीमा कार्यरत रहेकी छन् ।
