झापा / जिल्ला प्रहरी कार्यालय झापाका प्रहरी उपरिक्षक राजन लिम्बूले लागूऔषध तथा आपराधिक गतिविधिलाई विषेश प्राथमिकता राखेर काम गर्ने बताए ।
एक हप्ता अघि चितवनबाट सरुवा भएर झापा जिल्ला हाक्न आएका लिम्बूले आज पत्रकारसँगकाे परिचयात्मक कार्यक्रममा साे कुराकाे जानकारी गराएका हुन् ।
उनले, 'भने संचारकर्मी तथा आम पब्लिकको सहयोगमा आपराधिक क्रियाकलाप हुने क्षेत्रहरुमा सिसि क्यामरा जडान गरि कानुन विपरीत हुने गतिविधि, अबैध कारोवार नियन्त्रण, चोरी डकैती लगायतका कार्यहरु नियन्त्रण गर्न इमान्दारितापूर्व काम गर्ने छु' ।
सिमानामा हुने अपराध, जुवा तास, ग्रामीण तथा बजार क्षेत्रमा शान्ति सुव्यवस्था कायम गर्ने दाबी गर्दै लिम्बूले आफु कसैको दवाव र बलमा कुनै काम नगर्ने बताए । चोरी डकैती मादक पदार्थको बेचविखन नियन्त्रणमा कडा निगरानी राखिने बताउँदै सेवा प्रदान गर्ने क्रममा खराव आचरण भएको आफू मातहतका प्रहरीलाई समेत कार्वाही गर्ने बताए।
