झापा । झाडीमा फालिएको एक शिशुको भद्रपुरबाट उद्धार गरिएको छ ।
भद्रपुर–७ एमरेल्ड एकाडेमी छेउको झाडीमा शिशु फेला परेपछि उद्धार गरिएको स्थानीय डिल्लीराम पोखरेलले जानकारी दिए । प्रहरीले आज साँझ करिब साढे ७ बजेको समयमा उद्धार गरी ल्याएको शिशुलाई प्रादेशिक अस्पताल भद्रपुरमा राखिएको छ ।
झाडीमा फालिएको शिशुको पहिचान नखुलेपनि केहीदिन अघि भद्रपुरस्थित मानव
अधिकारका लागि महिला एकल महिला समूह झापाको भवनमा सुस्त मनस्थिति भएकी एक
महिलाले शिशुलाई जन्म दिएकी थिइन् । उद्धार गरिएको शिशु ती महिलाकै हुन
सक्ने भन्दै वडा प्रहरी कार्यालय भद्रपुरको टोली महिलाको घर जान लागेको
बताइएको छ ।
