झापा । झापाको मेचीनगर १५ मा सञ्चालित झापा भेनियर एन्ड प्लाईउड उद्योगको परिसरमा शनिबार राति बाढी पस्दा लाखौंको क्षति भएको छ ।
उद्योग परिसरमा राति साढे १० बजे स्थानीय फुलमासी पैनीको बाँध फुटेर बाढी पसेको थियो । रातभर बाढीले उद्योग परिसरमा रहेका भेनियर बनाउन ल्याएर राखिएको कुकाठको गोलिया ठूलो मात्रामा बगाएको उद्योगका सञ्चालक आनन्द खड्काले जानकारी दिए ।
बाढीका कारण ५५ लाख मूल्य बराबरको ६ हजार क्युबिक फिट गोलिया काठ बगाएको
खड्काले बताए । उनका अनुसार उद्योगबाट बगाएको गोलिया डेढ किलोमिटर
टाढा रहेको निन्दा खोलाको बाढीको बहाबमा परेको थियाे ।
