मोटरसाइकल दुर्घटनामा परी भद्रपुरका वडाअध्यक्ष गम्भीर घाइते भएका छन् । आज साँझ ५ः४० मिनेटको मेची राजमार्गको चारआली केचना सडक खण्ड अन्तरगत भद्रपुर नगरपालिका-३ स्थित देउनियाँ पुलमा भद्रपुरबाट पृथ्वीनगरतर्फ जाँदै गरेको अन टेस्ट सिटी सफारीले दाहिने मोड्ने क्रममा विपरीत दिशाबाट आउँदै गरेको प्रदेश १-०१-०१३प ८०३६ नम्बरको मोटरसाइकलसँग ठोक्किँदा दुर्घटना भएको थियो ।
दुर्घटनामा परी मोटरसाइकल चालक भद्रपुर नगरपालिका १ निवासी ५७ वर्षीय रामप्रसाद अधिकारी गम्भीर घाइते भएका छन् । अधिकारी भद्रपुर १ नम्बर वडा कार्यालयका वडाअध्यक्ष हुन् । उनको टाउको र नाकमा चोट लागेकोले उपचारको लागि ओमसाई पाथिभारा अस्पताल भद्रपुर पठाएको प्रहरीले जनाएको छ । यता सफारी चालक भद्रपुर ४ का ४२ को विशाल चेम्जुङलाई केही नभएको जनाइएको छ ।
