भारतबाट बालकको डायपरमा ब्राउन सुगर लुकाएर ल्याउँदै गर्दा चारजना भद्रपुरमा पक्राउ परेका छन् ।
हिजो साँझ ५.१५ बजे भद्रपुर ५ स्थित बसपार्कमा वडा प्रहरी कार्यालय भद्रपुरबाट खटिएको प्रहरी टोलीले भारतबाट नेपालतर्फ आउँदै गरेको मे १ ह ५०११ न. को अटो चालक भारत किसनगंज वडा न. १२ घर भई हाल विर्तामोड ५ बस्ने ३० वर्षीय मोहित आलम, सोही अटोमा सवार उनकी श्रीमती ३२ वर्षीया जेनेतुन खातुन , छोरा २ महिनाको सोहेल आलम र सोही अटोमा सवार सोही ठाउँ बस्ने ३८ वर्षीय मोहमद तजरुललाई शंका लागेर चेकजाँच गर्दा उनले बोकेको छोराको डायपरमा लागूऔषध फेला परेको थियो ।
डायपरमा प्लाष्टिकले पोका पारी लुकाइ छिपाइ ल्याउँदै गरेको प्लाष्टिकसहित ९ ग्राम ८५ मिलिग्राम र प्लाष्टिकबाहेक ८ ग्राम ९४ मिलिग्राम ब्राउन सुगर फेला परेको प्रहरीले जनाएको छ । अटोसहित ४ जनालाई नियन्त्रणमा लिई वडा प्रहरी कार्यालय भद्रपुरमा राखिएको छ ।
