झापा । काँकडभिट्टाबाट काठमाण्डौ हिडेको बस र ट्रक एक आपसमा जुध्दा तीन जनाको मृत्यु भएको छ । आज बिहान बाराको अमलेखगञ्जस्थित तीन नम्बर पुल नजिक बस र ट्रक जुध्दा तीन जनाको मृत्यु भएको हो । दुर्घटनामा परी २७ जना घाइते भएका छन् । दुर्घटनामा ट्रक चालक तनहुँ घर भएका २८ वर्षीय पूर्ण गुरुङ, मकवानपुर हेटौंडाका बस चालक ४० वर्षीय हरि शम्शेर र अका एक जना पुरुषको मृत्यु भएको बारा प्रहरीले जानकारी दिएको छ । मृत्यु हुने पुरुषको सनाखत हुन नसकेको प्रहरीले बताएको छ ।
दुर्घटनामा परी गम्भिर घाइते भएकोहरुको हेटौंडा अस्पतालमा उपचारको क्रममा मृत्यु भएको प्रहरीले बताएको छ ।झापाको काँकडभिट्टाबाट काठमाडौं आउँदै गरेको बा ३–००१ ख २५८७ नम्बरको बस र हेटौँडाबाट पथलैयातर्फ जाँदै गरेको ना ७ ख ७३०० नम्बरको ट्रक आज बिहान पुलमा जुधेका थिए । घाइतेहहरूको हेटौँडा अस्पताल र पुरानो मेडिकल कलेज चितवनमा उपचार भइरहेको छ ।
