झापा / झापाको बाह्रदशीमा खोलामा डुबेर एक बालिकाको मृत्यु भएको छ।
मृत्यु हुनेमा बाह्रदशी गाउँपालिका - ५ कालिदास टोल बस्ने दिल कुमारी राजवँशीको छोरी बर्ष १५ की झरना राजवंशी रहेको प्रहरीले जानकारी दिएको छ ।
आज दिउँसो ३ बजेको समयमा राजवंशी सोही स्थानमा रहेको गौरी शंकर माध्यमिक विद्यालय डाँगिबारीमा कक्षा १० मा अध्यनरत ७/८ जना साथीहरुसँग स्कुलबाट स्थानीय घाघ्रा खोलामा गई पैडी खेल्ने क्रममा पानीको बहाब बढी भएकोले घुमाउने दहमा परी पानीमा डुब्बेकी थिइन् ।
स्थानीयले तत्काल थाहा पाएर खोजतलास गर्दा सोही स्थानबाट अन्दाजी ३० मिटर दक्षीण झाडीमा अडकेर मृत अवस्थामा फेला पारेकाे जिल्ला प्रहरी कार्यालय झापाले जानकारी दिएको छ। प्रहरीका अनुसार अनुसन्धान तथा कानुनी प्रकृयाको लागी इलाका प्रहरी कार्यालय अनारमनीबाट प्रहरी टोलि खटिएकाे जनाएकाे छ ।
