झापा । झापाको कमल गाउँपालिकालाई बालमैत्री स्थानीय शासनयुक्त पालिका घोषणा गरिएको छ ।
कोशी प्रदेशको पहिलो गाउँपालिका तथा झापा जिल्लामा दोस्रो पालिकाको
रुपमा कमल गाउँपालिका बालमैत्री घोषित भएको हो । यसअघि पहिलो पटक भद्रपुर
नगरपालिका घोषणा भएको थियो । “खुशी राखौं बालबालिकाको मुहार बालमैत्री कमल
समृद्धिको आधार” भन्ने नारासहित २०७७ साल फागुन १३ गते बालमैत्री स्थानीय
शासनयुक्त गाउँपालिका बनाउने अभियान सुरु भएको थियो ।
प्रदेश सरकारका केदार कार्कीले कमल गाउँपालिका वडा नं ५ स्थित
निर्माणाधिन आदिवासी रंगशाला परिसरमा आयोजित समारोहमा सो पालिकालाई
बालमैत्री घोषणा गर्दै कमल गाउँपालिकाले देशको भविष्य निर्माणमा महत्वपूर्ण
योगदान पुग्ने काम गरेको बताए ।
