झापा / झापाकाे विर्तामोड ७ मा बृहत वृक्षरोपण कार्यक्रम सम्पन्न भएकाे छ ।
शनिबार विर्तामोड ७ मा रहेकाे सहिद नेत्र पार्क निचाझोडा सामुदायिक वन परिसरमा राष्ट्रिय युवासंघ नेपाल झापाको आयोजनामा "संरक्षण प्रकृतिको सुरक्षा सन्ततिको" भन्ने नारासहित "एक युवा पाँच बिरुवा"अभियान अन्तर्गत बृहत वृक्षरोपण कार्यक्रम सम्पन्न भएकाे हाे ।
शिरिस, सुपारी, फलफूललगायत चार सयकाे हाराहारीमा उक्त वन परिसरमा वृक्षारोपण गरिएकाे राष्ट्रिय युवासंघ नेपाल झापाका जिल्ला सचिवालय सदस्य डिल्लीराम पाेखरेलले जानकारी दिए ।
राष्ट्रिय युवासंघ नेपाल झापाका संयाेजक फुर्बा लामाकाे अध्यक्षतामा भएकाे कार्यक्रममा प्रमुख अतिथि संविधान सभा सदस्य नेकपा एमाले केन्द्रिय कमिटी सदस्य हरि बहादुर राजवंशी थिए भने सञ्चालन सदस्य विसन लिम्बूले गरेका थिए ।
