जाजरकोटा एक १२ वर्षीय बालकले तीन वर्षीया बालिकाको हत्या गरेका छन् ।
जिल्लाको बारेकोट गाँउपालिका ६ टाँसीका सर्जन सार्कीका १२ वर्षीय छोरा विरेन्द्र नेपालीले ती बालिकाको हत्या गरेको प्रहरीले जनाएको छ ।
बिहीवार साँझ खेल्ने क्रममा ती बालिकाको हत्या भएको थियो । बालकलाई शुक्रवार नै प्रहरीले नियन्त्रणमा लिएर अनुसन्धान सुरु गरिसकेको जिल्ला प्रहरी प्रमुख डिएस्पी पुरुषोत्तम प्रसाद पाण्डेले बताए ।
डिएस्पी पाण्डेका अनुसार बालकले बालिकालाई धारिलो हतियार प्रयोग गरेर हत्या गरेको देखिन्छ । घाँटीमा करीब ६ सेन्टीमिटर गहिरो गरि काटिएको छ । चार कक्षामा अध्ययनरत बालक भिनाजुको घरमा पाहुन गएका थिए ।
