झापा । ८औं श्री काली पूजा समारोह स्थलमा गरिएको शिविरमा एक सय १० जना आँखा परीक्षण गराएका छन् । बंगाली क्लब भद्रपुरद्वारा आयोजित एवम मेची आँखा अस्पताल बिर्तामोडको प्राविधिक सहयोगमा सोमबार शिविर सञ्चालन गरिएकाे हाे ।
पूजा समितिका संयोजक विजय साहाले दिएकाे जानकारी अनुसार १२ जनालाई मोतिया बिन्दु देखिएको, २२ जनालाई चश्मा र निःशुल्क औषधि वितरण गरिएको बताए । आँखा अस्पतालका तर्फबाट नीरज दाहाल, नेत्र श्याक, दुर्गा राजवंशी, रञ्जित सुनार, प्रमिला पौडेल, आकृति पौडेल, अनीश बराल, सरस्वती राजवंशी लगायतको उपस्थिति रहेको थियो ।
त्यसैगरी क्लबले यस पटक भारतमा रहेको केदारनाथ मन्दिर आकृतिमा पण्डाल बनाएका थिए । सोमबार साँझ भारतीय तथा स्थानीय कलाकारहरूले साङ्गीतिक कार्यक्रम प्रस्तुत गरेका थिए ।
