झापा । ज्ञानोदय शिक्षक बचत तथा ऋण सहकारी संस्था लिमीटेड भद्रपुर ८ ले एक दिने सहकारी शिक्षा कार्यक्रम सम्पन्न गरेको छ । संस्थाका अध्यक्ष गोपिकृष्ण न्यौपानेको सभापतित्व तथा प्रशिक्षक बद्री कार्कीको प्रमुख आतिथ्यमा शनिबार संस्थाकै कार्यालयमा सम्पन्न भएको हो ।
नरेन्द्र जनता माध्यमिक विद्यालय कमल १ का प्रधानाध्यापक समेत रहेका कार्यक्रमका मूख्य प्रशिक्षक कार्कीले सहकारी सम्बन्धी विविध विषयका बारेमा महत्वपूर्ण प्रशिक्षण दिएका थिए । त्यसैगरी संस्थाका अध्यक्ष न्यौपानेले आन्तरिक प्रशिक्षण दिएका थिए ।
स्वागत तथा कार्यक्रमको औचित्यमाथि उपाध्यक्ष धनकुमारी खरेल(लता)ले प्रष्ट पारेको कार्यक्रममा ३० जना भन्दा बढी सहभागि भएका थिए ।
सचिव डिल्लीराम अधिकारीले सञ्चालन गरेको कार्यक्रममा सल्लाहकार संयोजक एवम निबर्तमान अध्यक्ष गोकुलराज न्यौपानेले शुभकामना मन्तव्य राख्दै सहकारी स्थापना गर्दा भएको इतिहास सुनाएका थिए ।
झापा भरीका शिक्षक शिक्षका लाइ मध्यनजर गरी २०६५ वैशाख २२ मा स्थापना भएको संस्थामा हाल २सय ३२ जना पुरुष र बाँकी महिला गरी ४ सय ६३ जना शेयर सदस्य रहेका छन् भने करिब ७ करोडको कारोबार रहेको संस्थाले जनाएको छ ।
