झापा । मोटरसाइकलको हेलमेटभित्र ब्राउनसुगर लुकाएर ल्याउने कमल गाउँपालिका वडा नं.४ बस्ने ४१ वर्षीय धनबहादुर लिम्बू पक्राउ परेका छन् ।
हिजो साँझ ६ बजे मेचीनगर नगरपालिका वडा नं.६ स्थित पुरानो मेची पुलमा
लागूऔषध नियन्त्रण ब्युरो काँकडभिट्टा र इलाका प्रहरी कार्यालय
काँकडभिट्टाबाट खटिएको प्रहरी टोलीले भारतबाट नेपालतर्फ आउँदै गरेका बा.५३
प.१२४५ नम्बरको मोटरसाइकल चालक लिम्बूलाई शंका लागेर चेकजाँच गर्दा
प्लाष्टिकमा पोका पारी हेलमेटभित्र लुकाएर राखेको प्लाष्टिकसहित २ ग्राम
७५० मिलिग्राम ब्राउनसुगर फेला परेको जिल्ला
प्रहरी कार्यालय झापाले जनाएको छ ।
लिम्बूलाई नेपाली नगद १० हजार र मोटरसाइकलसहित नियन्त्रणमा लिई इलाका प्रहरी कार्यालय काँकडभिट्टामा राखी थप अनुसन्धान जारी रहेको जिल्ला काच डिएसपी कृष्ण कुमार चन्दले जानकारी दिए ।
