झापा । एकजना युवतीसंगको प्रेम सम्बन्धका कारण झापा दमक– १ निवासी डा. प्रज्वल कोइरालाले कोशी नदीको पुलबाट हामफालेर आत्महत्या गरेको हुनसक्ने तथ्य खुलेको छ ।
सीसीटीभीको फुटेजले डा. कोइरालाले आत्महत्या गरेको हुनसक्ने देखाएपछि
प्रहरीले आत्महत्याको कारण खोजी गर्दै जाँदा एकजना युवतीसंगको प्रेम
सम्बन्ध भएको खुलेको हो । लाइफलाइन हस्पिटल दमकमा एक फार्मेसीमा कार्यरत
सीमा( नाम परिवर्तन) संगको प्रेम सम्बन्ध सफल नभएपछि उनले कोशी नदीमा
हामफालेको हुनसक्ने देखिएको छ । करिव एक सातासम्म खोजी गर्दा पनि डा.
कोइराला नभेटिएपछि र सीसीटीभीको फुटेजलाई आधार मान्दा आत्महत्या गरेको
हुनसक्ने अनुमानलाई बल पुगेको जिल्ला प्रहरी कार्यालय उदयपुरका प्रमुख
प्रहरी उपरीक्षक ज्ञानेन्द्र फुयालले बताए । उनले आत्महत्याको धेरै कारण
हुनसक्ने बताउँदै एउटा कारण प्रेमसम्बन्ध पनि हुनसक्ने भनेर त्यसबारे
अनुसन्धान भइरहेको जानकारी दिए ।
डा. कोइराला कोशी नदीमा बेपत्ता भएको घटना सुनेर भोलिपल्ट ती युवती पनि बेहोस भएकी थिइन् । उनलाई बिर्तासिटी हस्पिटलमा भर्ना गरिएको थियो । हस्पिटलबाट डिस्चार्ज भएकी ती युवतीसंग उदयपुर प्र्र्र्र्र्र्र्र्र्र्र्र्र्र्र्र्र्र्र्रहरीले सोधपुछ गरेको प्रहरी उपरीक्षक फुयालले बताए । त्यस्तै डा. कोइरालाका बुवा,आमा, दिदीलगायतसंग पनि सोधपुछ गरिएको उनले जानकारी दिए । घटनास्थलमा फेला परेको मोबाइलबाट धेरै कुरा थाहा हुने भएकाले मोबाइल ट्रेकिङको अनुसन्धान गर्न काठमाडौ पठाइएको प्रहरी उपरीक्षक फुयालले जानकारी दिए ।
गत आइतवार राति २ बजेदेखि प्र १–०२–००२ च ४१६६ नम्बरको आफ्नो कार कोशी पुलमा छाडेर डा. कोइराला बेपत्ता भएका हुन् । स्थानीयबासीले बेवारिसे कार देखेपछि प्रहरीलाई खबर गरेका थिए । पुलको रेलिङमा उनको मोबाइल , जुत्ता र मोजा भेटिएको थियो ।
प्रहरी सक्रियतामा करिव एक सातादेखि खोजी कार्य जारी राख्दा पनि नभेटिनुले ९० प्रतिशत आत्महत्या गरेको हुनसक्ने दमक– १ का वडाध्यक्ष हरि न्यौपानेले बताए । घटना सुनेपछि आफूसहित दमक नगरपालिकाका नगर प्रमुख राम थापा , प्रदेश सांसद होम थापालगायत घटनास्थल पुगेको बताउँदै वडाध्यक्ष न्यौपानेले प्रेम सम्बन्धकै कारण आत्महत्या गरेको कुरा खुलेको जानकारी दिए । डा. कोइरालाका बुवा दामोदर कोइरालाका साथीसमेत रहेका वडाध्यक्ष न्यौपानेले त्यस घटनाले परिवार र टोल समाजलाई दुखित बनाएको बताए ।
डा. कोइरालाका पिता दिवाकर कोइराला पाँचथर अमरपुरका पूर्व शिक्षक
हुन् । डा. कोइराला परिवारको एक्लो छोरा हुन् । कोइराला परिवारले लाखौ खर्च
गरी छोरालाई डाक्टर बनाएका थिए ।
डा. कोइराला मदन भण्डारी ट्रमा सेन्टर
उर्लाबारीमा जनरल सर्जनको रुपमा कार्यरत थिए । केही महिनाअघि उनी लाइफलाइन
अस्पतालमा कार्यरत रहेका थिए । त्यही काम गर्नेक्रममा दुवैबीच प्रेम
समबन्ध बनेको अनुमान गरिएको छ । अन्तरजातीयलगायतका कारण उनीहरुबीचको प्रेम
सम्बन्ध सफल बन्न नसकेको बताइएको छ ।
प्रहरीले बेपत्ता डा. कोइरालाको खोजी कार्य अझै जारी राखेको छ । केही दिन गोताखोर प्रयोग गरी खोजी गरिएकोमा गोताखोरहरु व्यस्त भएपछि अहिले प्रहरी टोलीले खोजी जारी राखेको प्रहरी उपरीक्षक फुयालले बताए । उनले दक्षिणतर्फ पूर्व पश्चिम राजमार्गको कोशी व्यारेजसम्म जानकारी गराइसकेको बताए ।
