झापा कन्काई नगरपालिका–३ स्थित सुरुङ्गा टेम्पु स्ट्यान्ड नजिकैबाट लागू औषधसहित दुई जना पक्राउ परेका छन्।
गोप्य सूचनाका आधारमा ईलाका प्रहरी कार्यालय सुरुङ्गाबाट खटिएको प्रहरी टोलीले बिहीबार बिहान ६:३० बजेको समयमा ३०० ग्राम ब्राउन सुगर जस्तो देखिने लागू औषध (लिसिलो पदार्थ) सहित दुई जनालाई नियन्त्रणमा लिएको हो।
पक्राउ पर्नेमा सिन्धुली भीमान नगरपालिका–१० का २६ वर्षीय विनोद बिक र झापा गाउँपालिका–३ की २४ वर्षीया प्रेमकला महतो रहेका छन्। उनीहरूको साथबाट प्लास्टिकका तीन वटा पोका फेला परेको प्रहरीले जनाएको छ।
पक्राउ परेका दुवै जनालाई थप अनुसन्धानका लागि ईलाका प्रहरी कार्यालय बिर्तामोडमा राखिएको र घटनासम्बन्धी अनुसन्धान अगाडि बढाइएको प्रहरीले जानकारी दिएको छ।
