झापा / सुनसरीकाे इटहरीबाट ठुलाे परिणामा गाँजासहित दुई जना पक्राउ परेका छन् ।
इटहरी उप–महानगरपालिका–३, डाँडागाउँबाट विशेष सूचनाका आधारमा अस्थायी प्रहरी चौकी तालतलैयाबाट खटिएको प्रहरी टोलीले इटहरी ३ बस्ने ३५ वर्षीया कल्पना राईको घरमा कानून अनुसार खानतलासी गर्दा प्र. १–०२–००३ ह. ९०५५ नम्बरको सिटी सफारी गाडीमा लोड गरिएको अवस्थामा ९८ केजी गाँजासहित दुई जनालाई पक्राउ गरेकाे प्रहरीले जानकारी दिएकाे छ।
यसरी पक्राउ पर्नेमा इटहरी ३ बस्ने ३५ वर्षीया कल्पना राई र भोजपुरकाे रामप्रसाद गाउँपालिका–०७ घर भई हाल सोही घरमा बसोबास गर्दै आएका २० वर्षीय मनोज राई रहेका छन् । उनीहरुलाई इलाका प्रहरी कार्यालय इटहरीमा राखेर थप अनुसन्धान भइरहेकाे जिल्ला प्रहरी कार्यालय सुनसरीले जानकारी दिएकाे छ ।
