झापा । गृहमन्त्रालयले प्रहरी उपरीक्षक सरुवा गरेको छ । गृह मन्त्रालयले नेपाल प्रहरीका उच्च तहका प्रहरी सरुवा गरेको हो । गृहले ७८ जना प्रहरी उपरीक्षकलाई सरुवा गरेको हो । सरुवा हुनेमा २३ जिल्लाका इन्चार्जहरु रहेका छन् ।
सर्लाहीमा कार्यरत प्रहरी उपरीक्षक प्रवीण धिताललाई जिल्ला प्रहरी कार्यालय बर्दियामा सरुवा गरिएको छ । त्यस्तै, सर्लाहीमा दयानिधि ज्ञवालीलाई सरुवा गरिएको छ । सन्तोष खड्का सिन्धुपाल्चोकमा सरुवा भएका छन् ।
त्यस्तै, नवराज कार्की मोरङ पुगेका छन भने तनहुँमा अपिलराज बोहरालाई सरुवा गरिएको छ । त्यस्तै, पर्सामा कुमोध ढुंगेल, धादिङमा गौतम कुमार केसी, कैलालीमा पदम बहादुर विष्टलाई सरुवा गरिएको गृहमन्त्रालले जारी गरेको विज्ञप्तिमा उल्लेख छ ।
त्यस्तै, काभ्रेपलाञ्चोकमा वसुन्धरा खड्का सिन्धुलीमा विनोद शर्मा, चितवनमा भावेष रिमाललाई पठाइएको छ । त्यस्तै, झापामा मिलन केसी, रुपन्देहीमा रञ्जित सिंह राठौर, महोत्तरीमा श्याम कुमार राईलाई सरुवा गरिएको छ ।
