झापा । अविरल वर्षाका कारण माईखोलामा आएको बाढीका कारण झापा गाउँपालिकाका २५ घर विस्थापित भएका छन् ।
आज बिहान अन्दाजी ११ः३० बजेको समयमा अविरल वर्षाका कारण गौरीगंज र झापा गाउँपालिका वडा न. १ को सिमाना टप्पुस्थित माईखोलाको पानीको बहाव बढेर डुबान गर्दा झापा गाउँपालिका २ सुगाबथान बस्तीका बासिन्दा प्रभावित भएकाे जिल्ला प्रहरी कार्यालय झापाले जनाएकाे छ ।
बस्तीमा अन्दाजी अढाई फिट पानी पसेको प्रहरीले जनाएको छ ।उक्त स्थानतर्फ इलाका प्रहरी कार्यालय कुमरखोदबाट प्रहरी नायव निरीक्षक दिपेन्द्र राईको कमाण्डमा ४ जनाको टोली र बीओपी टाघनडुब्बाबाट सशस्त्र प्रहरी निरीक्षकको कमाण्डमा ७ जनाको टोली खटिएको जिल्लाका डिएसपी कृष्ण कुमार चन्दले जानकारी दिए ।
