झापा । गुल्मी अस्पतालमा उपचारत एक जना बालिकाको मृत्यु भएपछि तनाव उत्पन्न भएको छ ।
जिल्लाको छत्रदेव गाउँपालिका–७ काउलेकी सात वर्षीया प्रशंसा मरासिनीको मंगलबार बिहान उपचारका क्रममा मृत्यु भएपछि अस्पतालमा तनाव भएकोको हो ।
अस्पतालको लापरबाहीले बालिकाको मृत्यु भएको भन्दै आफन्तले शव उठाउन मानेका छैनन् । उनीहरु प्रदर्शनमा उत्रिएका छन् ।
सामान्य पेट दुखेर सोमबार अस्पताल ल्याइएकी बालिकाले दिउँसो वान्ता गरेपछि अस्पतालमा भर्ना गरिएको बिरामीका आफन्तले बताएका छन् । बालिकाको के कारणले मृत्यु भएको हो भन्ने बारेमा कारण पत्ता नलागेको अस्पतालमा जनाएको छ ।
अस्पतालका प्रमुख डाक्टर राजेन्द्र जिसीले बालिकालाई बान्ता भएर भर्ना गरे पनि अन्य सबै रिपोर्ट सामान्य रहेको बताए । अहिले अस्पताल प्रशासन र बिरामीका आफन्तबीच छलफल भइरहेको छ ।
