झापा । गुरुकुलमा अध्ययनरत ७५ जना वटुकलाइ न्यानो कपडासहित खाद्यन्य सामग्री वितरण गरिएको छ । आउँदै गरेको मकर सङ्क्रन्तिको अवसर पारेर भद्रपुर मारवाडी महिला मञ्च र युवती मञ्चले मङ्गलबार भद्रपुर ६ स्थित श्रीकृष्ण द्धैपायन गुरुकुल वेदविद्याश्रममा अध्ययनरत ७५ जना वटुक(विद्यार्थी)हरुलाइ ज्याकेट सहित खाद्यान्य सामग्री वितरण गरेको हो ।
मञ्चकी अध्यक्ष नीलम गोयल,सचिव रिता सरावगी लगायतले सामग्री वितरण गरेका थिए । मञ्चकी अध्यक्ष गोयलको सभापतित्वमा सम्पन्न कार्यक्रमको औचित्यमाथि सचिव सरावगीले प्रष्ट पारेकी थिइन् ।
संस्कृत पाठशाला हराउँदै गएकोले यसको संरक्षणका लागि सवै एकजुट हुनु पर्ने कार्यक्रममा बोल्दै अध्यक्ष नीलमले बताइन् । पछिल्लो समय अङ्ग्रेजी विद्यातर्फ आकर्षण बढ्दै गएकोमा दुःख व्यक्त गरिन् । गुरुकुलमा आएर सेव गर्न पाएकोमा धन्यवाद समेत व्यक्त गरेकी थिइन् ।
गुरुकुल सञ्चालक समितिकी अध्यक्ष शान्ता वराल,प्राध्यापक लगायतको सहभागि रहेको कार्यक्रमको सहजीकरण समितिका उपाध्यक्ष प्रेमप्रसाद भट्टराईले गरेका थिए ।
पछिल्लो समय मारवाडी महिला मञ्चले तीब्ररुपमा सामाजिक क्षेत्रमा विभिन्न कार्यक्रमहरु सञ्चालन गरिरहेको पाइएको छ ।
