झापा / अमेरिकाको क्यालिफोर्नियामा बच्चाको जन्मदिनको उत्सवमा गोली चल्दा कम्तीमा चार जनाको मृत्यु भएको छ ।
यस घटनामा अरू १० जना घाइते भएको बताइएको छ । घटना शनिबार साँझ क्यालिफोर्नियाको स्टकटनमा रहेको एक रेस्टुरेन्टमा भएको थियो । मृतक र घाइतेको पहिचान खुलाइएको छैन ।
घटनापछि आक्रमणकारी फरार रहेको समाचारमा उल्लेख छ । गोलीबारी स्थानीय समयअनुसार साँझको ६ बज्नु केहीअघि भएको हो । घटनामाथि छानबिन भइरहेको र जानकारीहरू सीमित मात्रै रहेको प्रहरीको भनाइ छ ।
