झापा । जिल्लाका हात्तीपीडितलाई डिभिजन वन कार्यालय झापाले करिब २ करोड रुपैयाँ राहत वितरण गरेको छ ।
कार्यालयले गत आव २०८२/०८३ मा रू एक करोड ९९ लाख राहत वितरण गरेको हो । कार्यालयले हात्तीको आक्रमणबाट मृत्यु भएका छ जनाको परिवारलाई जनही रू १० लाखका दरले ६० लाख राहत वितरण गरेको कार्यालयका सूचना अधिकारी हिमाल पाठकले जानकारी दिए ।
त्यस्तै, १७ जना सख्त घाइतेलाई २६ लाख ६० हजार ८६२, १५ वटा पशुधनमा क्षति पुगेवापत १ लाख ५० हजार, १९१ वटा भण्डारण गरेको अन्नको क्षति भएवापत १५ लाख २० हजार २६४, २६८ घरगोठमा क्षति भएवापत ४२ लाख ५४ हजार ५६० र अन्न बालिको क्षति भए वापत ५४ लाख ५ हजार क्षतिपूर्ति वितरण गरेको कार्यालयका सूचना अधिकारी पाठकले जानकारी दिए।
