साङ्केतिक तस्वीर
झापा । बिग्रीएर सडक छेउमा रोकी राखिएको बोलेरो पिकअपलाइ ठक्कर दिदा स्कुटीमा सवार दुईजनाको ज्यान गएको छ । गएराती पौने ११ बजे भएको घटनामा झापा बुद्धशान्ती ५ का अन्दाजी २५ वर्षीय लिलाप्रसाद ढुङ्गेल र इलाम रोङ गाउँपालिका ५ बहुवन बस्ने अन्दाजी बर्ष २९ को चेतन रिजालको ज्यान गएको जिल्ला प्रहरी कार्यालय झापाले जनाएको छ ।
प्रहरीले दिएको जानकारी अनुसार चारआलीबाट बुधबारे तर्फ जादै गरेको मे ७ प ७२८३ नम्बरको स्कुटिले बिग्रीएर सडक छेउमा रोकिएको को १ च ७२६४ नम्बरको बोलेरो पिकअपमा ठक्कर दिएको थियो । घटनापछि उपचारका लागि विर्तामोडको बिएण्सी अस्पताल ल्याउने वित्तिकै चिकित्सकले ११ बजे राति मृत्यु भएको जानकारी दिएको जिल्लाका डिएसपी कृष्णकुमार चन्दले जानकारी दिए । दुवै सवारी साधन प्रहरी चौकी चारआलीमा राखिएको छ भने बोलेरो चालकको खोजि कार्य सुरु गरिएको डिएसपी चन्दले बताए ।
